Пред Caddy да се докаже себеси при секојдневните патувања, ние веќе го ставивме на тест. Исходот од ова е: еден добро обмислен концепт на простор за складирање со многу прегради, фиоки, мрежи и држачи. Независно дали е со 5 или со опционалните 7-седишта – во Caddy постои совршено место за се. Дури и големи или обемни предмети не претставуваат проблем бидејќи седиштата во патничката кабина може да се преклопат или превртат - и, за прв пат и целосно отстранат. Внатрешноста на Caddy е дизајнирана земајќи ги предвид потребите на семејствата.

Новото Caddy - индивидуално како Вас и Вашето семејство

Планирате викенд патување со целото семејство? Новото Caddy има пет удобни седишта и многу простор за вашиот багаж. Или сакате да ги носите вашите деца до најблиското езеро и да возите велосипед? Тоа не е проблем со Caddy. Едноставно извадете ги седиштата во патничкиот простор и ќе добиете простор и за велосипеди. Или преклопете ги седиштата - сите заедно, или една третина или две третини. Седиштата, исто така може да се преклопат по втор пат - т.н. превртат - постојат безброј начини за приспособување на внатрешноста на вашите потреби. И ако пет места не се доволно за вас, постои решение за тоа. Новото Caddy е опционално достапно со седум седишта. Или може да се одлучите за Caddy Maxi: има седум седишта во стандард, но може да се пофали со уште поголем внатрешен простор.

Вашите пријатели се добредојдени - има место за сите во Caddy Maxi

Caddy Maxi е полн со изненадувања. Тој е неверојатно голем, нудејќи простор за седум лица како и за многу багаж. Тој е исклучително разновиден поради тоа што првиот и вториот ред на седишта во патничкиот простор сега можат исто така лесно да се отстранат. Конечно задржани се маневарските способности и агилноста, и покрај тоа што е 47 см подолго во споредба со Caddy.