Голем успех за Volkswagen Комерцијални возила во 2010 година

• Светските испораки пораснаа за 22,8 %
  
• Приходите од продажба пораснаа за 39,3%.
  
• Оперативна добивка од 232.000.000 € е резултат на добрата организациона структура.
• Повторно и во 2010 година, брендот е лидер на пазарот на лесни комерцијални возила во Европа.
  
• Новиот Crafter наскоро ќе биде претставен на пазарот.
• Шраибер: Интернационализацијата ќе продолжи.

Хановер, 16 март 2011: Брендот „Volkswagen Комерцијални возила“ продолжи со својот раст и во 2010 година. Во светот беа испорачани 435.600 лесни комерцијални возила, што е зголемување за 22,8 проценти во однос на претходната година. (2009: 354.800). Со приход од продажбата во износ од 7 милијарди €, брендот постигна оперативен профит од 232.милиони €. "Главната причина за зголемувањето на испораките во 2010 година е модерната гама на лесни комерцијални возила во кои е вградена најновата врвна технологија", истакна д-р Волфганг Шраибер - претседател на управниот одбор на „Volkswagen - Комерцијални возила“. "Преку тоа ние имаме солидна основа за продолжување на растот во иднина”.

Испораки и пазарен удел во 2010 година

Најдобро продаван модел и движечка сила на брендот во 2010 е Т5 со варијантите Transporter, Caravelle, Multivan и California. Глобално испораките на Т5 пораснаа за 27% или вкупно 148 000 возила (2009; 116 500), 124 000 Т5 беа продадени само во Европа што е за 26 000 повеќе од претходната година, тоа е раст од 25,8%. Секако приближно 59 000 возила беа продадени на германскиот пазар.

Планови за 2011 и среднорочни цели.

Според д-р Шраибер претседател на управниот одбор на „Volkswagen Комерцијални возила“ краткорочна цел за 2011 е да се искористат сите потенцијали на пазарите низ светот. Постојните пазарни позиции да бидат засилени со комплетни технички и еколошки иновации. Во 2011, ние сакаме да ги надминеме позитивните резултати од последните години.“ истакна д-р Шраибе.

Тој кажа дека со цел да се приберат практични искуства во областа на Е-мобилност планирано е да се тестира флотата од Caddy Bluemotion за најголемите клиенти во 2011. Уште една развојна цел би било понатамошното интернационализирање на брендот.

Во моментов брендот Volkswagen Комерцијални возила има силно присуство со традиционалните модели Caddy, T5 and Crafter. Доказ за тоа е високиот пазарен удел и доброто пазарно пенетрирање. Намерата е да се продолжи со раст и по 2011, а на среден рок брендот Volkswagen Комерцијални возила да се шири и надвор од границите на Европа. Тоа е планирано да се постигне со новиот pick-up Amarok. Најновиот модел Amarok е возило со извонреден потенцијал на глобално ниво и истото ќе ги отвори вратите за нови пазари. Производството сега се одвива во Аргентина, меѓутоа подготвени се и производствените капацитети во главната фабрика во Хановер” рече д-р Шраибер.