Новости.

За само десет месеци продадени се 433.500 Фолксваген Комерцијални возила ширум светот.

433.500 Фолксваген Комерцијални возила беа продадени во светот- што претставува пораст од 24,2 проценти за првите десет месеци од 2011 година (јануари - октомври 2010: 348.900). "Продажниот успех на нашиот бренд оваа година е одржлив и постојан повеќе од било кога ", изјави Харалд Шомбург, член на управниот одбор на Фолксваген Комерцијални возила за продажба и маркетинг. "Но, ние се уште будно ги следиме пазарите и го анализираме тековниот економски развој, на тој начин веднаш можеме да реагираме на било какви флуктуации."

Со 131.500 испораки во светот (претходната година: 104.400) и пораст од 25,9 проценти, Кеди (Caddy) повторно беше на врвот, моделот е бестселер на брендот. Во светот беа продадени 127.350 единици од серијата Т5, со варијантите Траспортер, Каравела, Мултиван и Калифорнија, што е пораст за 7,3 проценти (претходната година: 118.700). Со 30.300 испораки во светот, Крафтер (Crafter) ја зголеми продажбата за 2,1 проценти (претходната година 29.700). Продажбата на Амарок до крајот на октомври ја достигна бројката од 54.350 единици (претходната година: 14.300). Продажбата на пикапот Савеиро (Saveiro), кој се продава во Јужна Америка, се зголеми за 15 проценти или 68.500 единици (претходната година: 59.600), само бразилската класика Т2 беше под нивото од претходната година, со 21.500 испораки (претходната година: 22,200).

Во Западна Европа, од јануари до октомври, брендот Фолксваген Комерцијални возила испорача 234.900 комерцијални возила, постигнувајќи пораст од 17,3 отсто (претходната година: 200.200). Германија останува и понатаму најголем пазар, со 100.600 испораки (претходната година: 93.700 возила), што е за 7,3 проценти подобар резултат. Во Источна Европа, продажбата се зголеми за 41,9 проценти со 28.500 комерцијални возила (претходна година: 20.065). Во овој регион, брендот постигна особено импресивни резултати, во Русија испорачани се 9700 единици, што е пораст од 90 проценти (претходната година: 5100). На Блискиот Исток испораките се зголемија за 25 проценти или 24.500 единици (претходната година: 19.600).

Јужна Америка е уште една успешна приказна, со пораст на испораките за 27,3 проценти со 116.600 возила (претходната година: 91.600).

"На повеќето пазари, ние постигнуваме солиден раст со двоцифрени бројки, тоа е резултат на комбинација од технологијата која се совпаѓа со иднината, добриот сооднос цена / перформанси , високиот квалитет и постојаниот фокус кон нашите клиенти во соработка со импортерите и дилерите ", нагласи Шомбург.