Седите повисоко отколку во многу теренски возила, но исто удобно како во премиум
возило? Тогаш најверојатно сте седнале во новиот Multivan Style. Неговото ниво на
опрема свесно се ориентира кон големата флексибилност, функционалната варијабилност
и големина соодветна за едно семејство како кај висококвалитетните возила.
Сето тоа новиот Multivan Style го прави идеално возило за оние кои се самостојни,
кои често се движат во урбани средини. И за модерните родители, кои мора да се
справат со нивните деца.
Во новиот Multivan Style за време на жешките летни денови ќе се чувствувате исто
пријатно како за време на деновите кога има мраз и снег. Затоа што неговиот целосно
автоматски Climatronic5 со 3 зони по желба се грижи за пријатна клима уште пред
започнувањето со возењето. Едноставно отворете ја апликацијата We Connect App6 7 -
и добро проветрете го внатрешниот простор, во случај да сте паркирале на место каде
има многу сонце. Покрај тоа, може засебно да ја поставите температурата за делот на
возачот, совозачот и патниците. Во позадина, сериската "Air Care" функција во сите
клима уреди ги филтрира повеќето алергени од воздухот, на пример, полен од цвеќиња.
На тој начин можете да дишете уште послободно.
Од кренатото седиште на возачот секогаш ќе имате добра прегледност на состојбата во
сообраќајот - и сите релевантни информации ќе ви бидат пред очи. Елегантно
интегриран во лебдечката инструментна табла, Digital Cockpit со висока резолуција
"Pro"8 ви нуди мноштво можности за поставување. Изберете помеѓу трите изгледи на
вашиот омилен екран. Или произволно конфигурирајте го распоредот за две очи.
Музички наслови со оригинална насловна страна, телефонски контакти со меморирани
портрети, радиостаници со лого: Тука скоро се е возможно. Дури и приспособување на
боите преку амбиенталното осветлување или приказот на голема навигациска мапа9.
Во внатрешноста, новиот Multivan Style ви ги искажува сите почести. Декоративните
облоги инспирирани од скапоцени дрва "Dark Woodgrain Optic"10 го облагородуваат
кокпитот, исто како што тоа го прават и елегантните навлаки од микро флиз.
Посветлата песок-беж боја Sandwick и потемната боја Raven слична на антрацит на
страничните облоги се стилски преземени кај седиштата "ArtVelours"11. На тој начин
се создава ентериер што делува хармонично и благодарение на двете бои зрачи со
леснотија.
IQ.Light - LED Matrix фаровите5 и LED светечката лента4 даваат еден посебен
светлосен акцент. Втората е интегрирана во горниот заштитен капак на ладилникот и
ги поврзува двата предни фара во една компонирана целина. Резултатот: уникатната
фигура на светлината, којашто ви е веќе позната од другите нови модели на
Volkswagen. А таа стои добро и на вашиот нов Multivan Style.
Вкусот е лична работа. Поради тоа, ви ја даваме слободата дури и најмалите детали
во новиот Multivan Style да ги приспособите на вашиот стил. Да почнеме со дизајнот
на светлата. Тука може на дисплејот на допир во боја на инфо-забавниот систем да ги
изберете вашите омилени од повеќе меморирани бои. На располагање ви стојат вкупно
30 различни нијанси4. Така може на пр. внатрешниот простор на вашиот нов Multivan
Style да го осветлите соодветно на надворешниот лак.
Новиот Multivan Life
Новиот Multivan Life има многу предности што ви се потребни за вашето секојдневие
или за едно релаксирано патување. Ново подвозје коешто кај сите модели на Multivan
е толку комфорно приспособено, како што би се очекувало од едно семејно возило.
Ентериер во којшто постојано добро се чувствувате и којшто може да го приспособите
на вашите потреби. Сериски инфо-забавен систем кај сите варијанти на опрема, кој
вам ви нуди скоро се.
И бројни системи за помош на возачот, коишто ве придружуваат на патот кон новото
време. Накратко: Во новиот Multivan Life, целото наше внимание го свртивме кон
комфорот при возењето. Со цел вие и вашите најмили да патувате што е можно
поудобно.
Кој би сакал да патува сам кога позабавно е кога се четворица, петмина или
седуммина? Новиот Multivan Life ви нуди доволно простор за целото семејство или за
излет со најдобрите пријатели. Неговите седум удобни поединечни седишта12 се
насочени во насока на возењето. Секој ќе може да види каде ве води патот. Освен
тоа, триетапните сигурносни појаси со затегнувачи на појасите и страничните
воздушни перничиња овозможуваат висок степен на пасивна безбедност.
Секогаш добра видливост. Тоа го ветуваат комфорните функции на Светло и
видливост12, кои делумно се управувани од сензор за светло и дожд. Тука меѓу
другите спаѓаат автоматското вклучување на светлото за дневно возење со систем за
помош за светло за возење и автоматскиот систем за бришење стакла со повеќе
степени, чиишто интервали може континуирано да се приспособат на количината дожд.
Штом пристигнете дома, функцијата "Coming home" ви го осветлува патот до влезната
врата. А доколку поаѓате навечер, вашиот нов Life веќе ве очекува - со светлото
"Leaving home".
Што имаат заедничко "Syrakus"13 тркалата од лесен метал и елегантниот дизајн со 10
крака со комфорот? На прв поглед, не многу. Но, многу доколку погледнете подобро.
Бидејќи нивниот дијаметар од 16 инчи овозможува релативно високи странични ѕидови
на гумите. А тие издржуваат доста работи. На пример, кај ниски рабови на
тротоарите, коишто со повеќе гума значително полесно се преминуваат. И помалите
нерамнини на патот подобро се прикриваат. Резултат: помалку удари, повеќе комфор во
секојдневието.
Два USB C интерфејси во кокпитот, четири USB C приклучоци за полнење12 во просторот
за патниците: Во новиот Multivan Life, секој член од семејството може да го снабди
неговиот паметен телефон или таблет со струја. Без разлика каде седи. Со тоа се
гарантира доброто расположение за време на возењето. А кога ќе пристигнете, ќе
имате и полна батерија.
Со повеќе деца во возилото, прегледноста брзо се губи. Тогаш голема придобивка е да
добиете помош при влегувањето и излегувањето од паркинг местото, на пример со
сериската помош при паркирање14. Повеќе сензори ја контролираат патеката на движење
во предниот и задниот дел. Доколку стане тесно, системот може звучно и визуелно да
ве предупреди. На тој начин, со новиот Multivan ќе паркирате со леснотија слична на
онаа при паркирање со пократките возила.
Ентериерот во новиот Multivan Life одушевува со висококвалитетните материјали и
нивната првокласна обработка. Сите поединечни седишта се удобни, имаат совршена
контура и се со издржливи навлаки од двобоен текстил во дезен "Ribella"15.
Комбинацијата на бои од беж Sandwick и антрацит Raven се повторува во целиот
внатрешен простор. На тој начин се создава една хармонична целина, мајсторски
акцентирана преку декоративната лента "Dark Silver Brushed"16.
Новиот Multivan
Некои во новиот Multivan гледаат класичен почетен модел. Само еден поглед во
обемната сериска опрема брзо ќе го промени нивното мислење. Бидејќи дури и
основната линија на опрема изненадува со многуте предности.
Вистината е: Новиот Multivan е уште подобро приспособен за младите родители со мали
деца. Материјалите, бројните можности за сместување и солидната обработка го прават
возило за сите прилики. А тој е и добра алтернатива за семејства коишто уште возат
лимузина или комби.
Една лево, една десно: За првпат, сите варијанти на моделот се сериски опремени со
две лизгачки врати. Тоа го прави новиот Multivan толку соодветен за секојдневието и
толку сестран како никогаш порано. На пример, вашите деца отсега ќе може од двете
страни да ги кренете на седиштата и да ги врзете со појас. Дополнителното влегување
во просторот за патници за таа цел веќе е минато. И ставањето и вадењето на товарот
е значително полесно. Вашите намирници ги ставате едноставно таму каде што има
место - или од која и страна да ви одговара.
Во новиот Multivan има значително повеќе функции од кога било претходно. Со дел од
нив може да ракувате и директно од управувачот. Сакате да деактивирате систем за
помош на возачот? Или да прифатите повик? Сакате да прелистате низ вашата музичка
библиотека? Или рачно да префрлите во повисок степен? Ништо од тоа не претставува
проблем. Вашите раце остануваат постојано на воланот, којшто веќе сериски е
обложен со кожа пријатна на допир и опремен е со педали за менување степени
Новиот Multivan од далеку се забележува. И главните LED фарови и задните светла во
LED технологија веднаш го привлекуваат вниманието кон возилото - и дење и ноќе. Но
и без тоа, предните фарови може да бидат лесно забележливи. Нивниот тесен
дизајн ја следи висината на црната лајсна на ладилникот и во хоризонтална линија ги
продолжува нанадвор. Резултат: Новиот Multivan делува уште поширок, неговиот преден
дизајн е уште похаризматичен и подинамичен.
Системот за помош при одржување на коловозната лента на долги патеки може да ја
зголеми безбедноста при возењето и забележливо да го зголеми комфорот при
патувањето. Штом повеќефункциската камера ќе ја регистрира вашата коловозна лента,
системот автоматски се активира. Доколку потоа се приближите преблизу до белите или
жолтите ознаки на коловозот, возилото коригира со управување17. Со звучен сигнал и
предупредување на мултифункционалниот дисплеј, од вас се бара повторно да го
преземете управувањето.
Во новиот Multivan, дигиталната иднина е веќе впечатливо интегрирана. Во средината
се наоѓа радиото "Ready 2 Discover" со дисплеј на допир во боја од 25,4 cm. Би
можеле и да кажеме: Вашата контролна централа. Бидејќи тука не бирате само радио
програма. И апликациите за паметниот телефон, In-Car апликациите, клима-уредот и
многу други функции на возилото се контролираат од таму. Лево до неа: Digital
Cockpit. Тој дополнително ви нуди актуелни податоци за возењето и други основни
функции. Сето ова не е само најава за иднината, туку веќе е сериска опрема.
Надворешните ретровизори луксузно лакирани во црна боја може електрично да се
поставуваат и по потреба засебно да се загреваат. Откако ќе го паркирате новиот
Multivan и ќе го заклучите со клучот за далечинско управување, двата надворешни
ретровизори автоматски се склопуваат. Ширината на возилото на тој начин се намалува
за вкупно 198 mm. Исто така практично: По зајдисонцето, LED диоди на долната страна
ви го осветлуваат патот до вратата на возачот и совозачот.
Повеќе за новиот Multivan
Во еден поглед
Сè што е важно за новиот Multivan на една страница.
Ihr Browser scheint nicht aktuell zu sein. Eventuell funktioniert unsere Webseite nicht optimal. Die meisten Browser (nicht jedoch MS Internet Explorer 11 & älter) funktionieren dennoch problemlos.
Wir empfehlen Ihnen ein Update Ihres Webbrowsers!
Die jeweils neueste Version kann überall im Internet ein gutes Erlebnis sicherstellen.
Danke für Ihren Besuch und viel Spaß,
Вашиот Volkswagen Team
